Thursday, February 7, 2008

“கோல்” - புத்தகப்பார்வை


Eliyahu M. Goldratt என்கிற இஸ்ரேலைச்சேர்ந்த இவர் எழுதிய புத்தகம் 'The Goal' என்கிற பெயரில் வெளியாகி மிகப்பெரிய தாக்கத்தை ஏற்படுத்தியது. இயற்பியல் பட்டதாரியாக இருந்து Business Consultant ஆக மாறியவர் இவர். இவருடைய ' The Goal ' என்கிற புத்தகத்தை ஒரு தொடராக ஆனந்தவிகடன் வெளியிட்டது. திரு. பாலசுப்ரமணியன் அவர்களின் புதல்வர் திரு.பா.சீனிவாசன் அவர்கள் ஆனந்தவிகடன் பொறுப்பேற்றுக்கொண்டபின் நடந்த சில குறிப்பிட்ட மாற்றங்களில் இதுவும் ஒன்று.

விகடனில் வெளியானபோது தொடர்ச்சியாக படிக்க இயலவில்லை. இதே புத்தகத்தின் ஆங்கில மூலத்தை வாங்கி வைத்தும் பல மாதங்களாகிவிட்டன. ஆனால், சமீபத்திய சென்னை Book Fair-ல் இதன் தமிழ்ப்பதிப்பை வாங்கியிருந்தேன். நேற்றுதான் வாசிக்கலாம் என்று எடுத்தேன். கீழே வைக்க மனம் வரவில்லை. முழுவதுமாக வாசித்துமுடித்துவிட்டேன்.

மிகவும் சுவாரஸ்யமான கதை வடிவில் இந்த புத்தகம் இருப்பதே இதன் வெற்றிக்கு அடிப்படையாகும். ஆனால், வெறும் கதை படிப்பதில் மட்டும் ஆர்வம் இருப்பவர்களால் இந்த புத்தகத்தை படிக்கவியலாது. முப்பதுகளில் இருக்கும், வாழ்க்கைத்தேடலுள்ள, முன்னேறும் எண்ணம் உறுதியாக உள்ள, சற்றேனும் அறிவியல் படித்த எந்த இளைஞனுக்கும், யுவதிக்கும் இந்த புத்தகம் ஒரு வரப்பிரசாதம்.

இந்த புத்தகத்தில் - வெவ்வேறு விதமான மனிதர்களின் சிந்தனைகளும், பிரச்சனைகளின் விஸ்வரூபங்களும், நம்மீதான அலுவலகம் மற்றும் குடும்பம் சார்ந்த எதிர்பார்ப்புகளும், சிந்தனைக்கும் செயலுக்குமான இடைவெளிகளும் - மிக மிக அழகாக விளக்கப்பட்டிருக்கின்றன.

வாழ்க்கையில் நடக்கும் சாதாரண நிகழ்வுகளிலிருந்தே Business Management பாடங்களைக் கற்றுக்கொள்ளும் விதம் மிகவும் நேர்த்தியாக சொல்லப் பட்டிருக்கிறது. அதுவும் Herby என்ற மாணவனை தன் Plant - ல் இருக்கும் Machinery களோடு ஒப்பிட்டு தன் பிள்ளைகளோடு கதை நாயகன் விவாதிக்கும் காட்சிகள் இன்னும் மனக்கண்ணில் ஓடுகின்றன.

ஒரு நாவலுக்கான திருப்பங்களுடன் அத்தனை விஷயங்களும் இதில் சொல்லப்பட்டிருப்பதுதான் இந்த புத்தகத்தின் சிறப்பு. கதைமாந்தர்களின் பெயர்கள் நமக்கு சற்று அந்நியப்பட்டு இருக்கலாம். உதாரணம் - பாப் டொனாவன், ஸ்டேஸி, ஜோனா இப்படி பல. நம் கதாநாயகனின் பெயர் கூட அலெக்ஸ் ரோகோ. ஆயினும், உள்ளடக்கத்தை நோக்குகையில் இந்த புத்தகம் மிகவும் பயனுடையதாகத் தெரிகிறது. அதனாலேயே இந்தப்பக்கத்தில் இதை எழுதுகிறேன்.

பதிப்பு - விகடன் பிரசுரம்
தமிழில் எழுதியவர் - அஞ்சனா தேவ்
பக்கங்கள் - 287
விலை - ரூபாய் 100

5 comments:

  1. நானும் படித்திருக்கிறேன்! "கோல்" தொடராக வந்த போது படிக்கும் போது அவ்வப்போது குருவாக இருந்து என்னை வழி நடத்தியது!
    அன்புடன் அருணா

    ReplyDelete
  2. GOOD POST INDEED

    I also read at the starting but i cld. not continue it...due to...

    vaazhkkaiyil munnaerathudikkum youngesters ikku nalla ookka tonic

    ithan moolam one could see your other side of the face

    ReplyDelete
  3. அனானிக்கு...

    உங்கள் கருத்துக்களுக்கு மிக்க நன்றி...

    உங்கள் பெயரேனும் சொல்லி மறுமொழி தரலாமே...

    ReplyDelete
  4. [B]NZBsRus.com[/B]
    Forget Idle Downloads Using NZB Files You Can Instantly Search High Quality Movies, Console Games, MP3s, Software and Download Them @ Fast Speeds

    [URL=http://www.nzbsrus.com][B]Usenet Search[/B][/URL]

    ReplyDelete
  5. You could easily be making money online in the hush-hush world of [URL=http://www.www.blackhatmoneymaker.com]blackhat seo[/URL], Don’t feel silly if you don't know what blackhat is. Blackhat marketing uses alternative or little-understood ways to produce an income online.

    ReplyDelete

வணக்கங்க...

இம்புட்டு தொலவு வந்து படிச்சிருக்கீங்க. ரொம்ப தாங்க்ஸ். இன்னா நெனக்கிறீங்கன்னு சொல்லிட்டீங்கன்னா நல்லாயிருக்கும்.

அன்பு நித்யன்.

Follow @ersenthilkumar